සිද්ධිය කෙටියෙන් කිව්වොත් මෙහෙමයි. 2005 දෙසැම්බර් මාසයේ 5 වෙනිදා ෆ්ලොරිඩාහි එකතරා කලපුවක වෙරළක ලස්සන ඩොල්ෆින් කෙනෙක් එයාගෙ වලිගෙ දරුණු තුවාලෙකුත් එක්ක ගොඩගහලා ඉන්නවා කෙනෙක්ට හමුවෙලා තියනවා. බලනකොට ඩොල්ෆින්ව කලපුවේ අටවපු කකුළු උගුලකට හිරවෙලා තමා මෙහෙම වෙලා තියන්නෙ. ඉතිං මේ පුද්ගලයා මේ ගැන ෆ්ලොරිඩාහි තියන Cleanwater Marine Aquarium කියන මුහුදු සත්ත්වයින්ට සාත්තු කරන රෝහලට දැනුම් දීල තියනවා. එයාල ඇවිත් මේ ඩොල්ෆින්ව අරගෙන ගිහින් සාත්තු කරනවා. එහෙදි මෙයාට වින්ටර් කියලා නම තියනවා. ඉතිං එහෙදි වින්ටර්ගෙ වලිගෙ ඉවත් කරන්න සිද්ධ වෙනවා අර තුවාලෙ ආසාදනය වීම නිසා. වලිගෙ නැතුව ජීවත් වෙන්න බෑනෙ එයාට. ඉතිං එයාට කෘත්‍රිම වලිගයක් දාන්න රෝහලේ අය කටයුතු කරනවා. ඒ වගේ ම මේ ඩොල්ෆින් හරි ම හුරතල්. හරි ම ශක්තිමත්. මරණය පෙනි පෙනීත් එයා ධෛර්යමත් ව ඉන්නවා. නමුත් වින්ටර්ව කෘත්‍රිම වලිගයකට හුරු කරන්න එතරම් ලේසි වෙන්නේ නෑ. ඒ වගේ ම එහෙම කෘත්‍රිම වලිගයක් ඇති ව ජීවත් වෙන එක ම මාළුවාත් වින්ටර්, මොක ද ඒක අසාමාන්‍ය සිද්ධියක් නිසා. ඇලුත් වලිගෙත් එක්ක වින්ටර් හිටියටත් වවා හුරතල් වෙනවා, හරි හරියට සෙල්ලම් කරනවා. ඒ වගේ ම ලෝකෙ පුරා ඉන්න ආබාධිත අය වෙනුවෙන් මේ පුන්චි වින්ටර් හොඳ ආදර්ශයක් දෙනවා.